Kerstyd word lig gevier.  Die storiesmid Wiebke steek haar silhoeët-lanterns aan en betower jou met lig van sprokie-stories  uit haar oorvloedige voorraad, sodat jy voel jy is deel van `n glinsterende kersboom!

Haar vertellinge is soos ‘n legkaart met mekaar en rondom die kersfeestema geweef en spreek tot die kind wat elkeen van ons jonk van hart hou:  `n verlore kroon, die ontstaan van vlieënde tapyte, die eiesinnige houtstomp, van engele, die halwe prins en `n skaapwagtertjie wat nog vir sy skape wag.

Kom betree `n ruimte waarin daar `n hele wêreld van stories rondom jou in die lug sweef….